Սնվելուց անմիջապես հետո ատամների մաքրումը վնասակար է

Սնվելուց անմիջապես հետո ատամների մաքրումը վնասակար է առողջությանը: Նման եզրահանգման են եկել Ամերիկա- կանադական ընդհանուր ստոմատոլոգիայի ակադեմիայի անդամները, հայտնում է Epoch Times-ը:

Նրանք պարզել են, որ սնվելուց անմիջապես հետո ատամների մաքրումը հանգեցնում է ատամների գլխավոր հյուսվածքների արագ քայքայմանը: Սնվելուց հետո առաջին 20 րոպեում սննդի հետ բերանում հայտնված թթուն ատամի խոզանակի միջոցով ավելի արագ է ներթափանցում ատամի արծնապակու (էմալ) և դենտինի (ատամնանյութ) մեջ, քան չմաքրելու դեպքում: Իսկ շատ սննդամթերք բարձր թթվայնություն ունեն:

Կամավորների մասնակցությամբ անցկացված փորձի արդյունքում պարզ է դարձել, որ սնվելուց հետո ատամները մաքրելու լավագույն ժամանակահատվածը 30 րոպեից 1 ժամն է:

Ծերացումը դանդաղեցնող շոկոլադ է ստեղծվել

Քեմբրիջի մասնագետները պնդում են, որ շոկոլադից կարելի է մի միջոց ստանալ, որը կդանդաղեցնի ծերացումը, հաղորդում է The Daily Mail:
Գիտնականները տեխնոլոգիա են մշակել, որը բարձրացնում է օրգանիզմի կողմից կակաոյում առկա ֆլավանոլները կլանելու կարողությունը:

Այդ մոլեկուլները բարելավում են մաշկի թթվածնային հագեցումը, ինչը անհրաժեշտ է ծերացման արագությունը նվազեցնելու համար: Lycotec ընկերության աշխատակիցները շոկոլադի բաղադրությունը բարելավել են՝ դրանում ներադելով Coco-Lycosome անվանումը ստացած բաղադրիչը: Այն ֆլավանոլները ուժը 20 անգամ ավելացնում է:

Այսպես, նոր շոկոլադի փոքրիկ կտորը երիտասարդացման վրա ազդեցության տեսակետից համապատասխանում է բարձրորակ շոկոլադի երկու սալիկ օգտագործելուն: Ընկերության հիմնադիր Իվան Պետյաևի խոսքով, նոր տեխնոլոգիայով ստացված շոկոլադը հիանալիհամային և այլ որակական ցուցանիշներ ունի, իսկ Coco-Lycosome բաղադրիչի անվտանգությունը    պաշտոնապես ապացուցված է:
Նշանակում է, նոր «սուպեր երիտասարդացնող» շոկոլադը պատրաստ է շուկա դուրս գալուն:
Սակայն բրիտանացի դիետոլոգ Քերրի Ռաքստոնը մտավախություններ ունի նորույթի օգտակարության չափի վերաբերյալ:
«Ֆլավանոլները սովորաբար շատ վատ են յուրացվում, այդ պատճառով չնայած որ մտահաղացումը շատ հետաքրքրական է, սակայն ես նորույթի էֆեկտիվության հստակ հավաստումներ են ցանկանում տեսնել», - նշել է դիետոլոգը:

Հումորի զգացումը պաշտպանում է մանկական հոգեբանությունը այլասերումից. հետազոտություն

 
Աշակերտները հաճախ բախվում են սեռական բնույթ կրող տեղեկությունների հետ: Սակայն ի հեճուկս տարածված կարծիքի, նրանց հաջողվում է հաղթահարել այդ հատուկ մեթոդով, պնդում է Ֆլինդերսի համալսարանի գիտնական Մոնիկ Մալհոլլանդը:

Գիտնականը վերլուծել է 13-16 տարեկան աշակերտների վարքագիծը: Հետազոտությունների ընթացքում նա երեխաներին ցուցադրել է սեռական բնույթի պատկերներ: Պարզվել է, որ դեռահասները տվյալ տեսողական տեղեկությունը սրտին մոտ չեն ընդունում:
Հետազոտության ընթացքում դեռահասներից մեկը զուգահեռ է անցկացրել սեռական բնույթի պատկերի և տեսախաղերի միջև: Նրա խոսքերով, երիտասարդները հիանալի կերպով տարանջատում են իրական կյանքը հորինածից:

Սիրահարվածություն և սեր

Հաճախ աստվածատուր այս երկու երևույթները շփոթում են, երբեմն՝  նույնիսկ նույնացնում:

 Իրականում սիրահարությունը հանկարծակի առաջացող, հուզական սուր, ակամա ապրում է, խիստ համակրանքի զգացում անձի նկատմամբ: Ի տարբերություն ավելի երկարատև ու կայուն սիրո զգացմունքի՝ սիրահարվածությանը բնորոշ է արագ հագենալու և մարելու միտումը: 

Սիրահարվածության կենսաքիմիական տեղաշարժերը հսկման ենթակա չեն: